【叮叮 is sad】屋企有個狐狸精

背景交代：我屋企有一家三口，爸爸媽媽同我，阿爸阿媽都有兄弟姐妹，大部分經濟條件都ok（香港地五賭有手有腳，餓得死咩！）今日主角系廢柴（狐狸精）一家，廢柴爸系我阿叔50歲，2004年同個大陸女人結婚，靠屋企人幫佢移民外國，帶埋個老婆去攞永居，後尾2009年離婚，無再婚（無錢嘛！），育有廢柴兩仔宜家一個12歲，一個9歲。大善人我阿爸就覺得佢一家好慘，所以6年前借過10萬俾佢，然後廢柴爸人間蒸發左，毫無音信，收到whatsapp都無回復，街撞到叫佢都五應。最近又出現，離埋婚，阿爸不顧我同阿媽反對，又借多6位數字俾佢，最近開始每個禮拜阿叔大仔都會黎我屋企住一日，攞著數感受家庭溫暖。

廢柴爸本在外國（靠依親移民）做工程，收入唔錯，每個月都有3萬港幣收入，做到工頭每月最高峰有5萬一個月。但廢柴爸好懶，成日返工到一半，偷偷假借去買材料之名，搭2個鐘頭去唐人街食菠蘿包飲茶，合作partner對佢非常不滿，最後飛起佢。廢柴爸個細佬都過外國跟佢搵食，人地本身做你徒弟，你成日搵人笨（最辛苦最低人工俾自己細佬做），最後人地做到工頭喇，你仲因為誠信問題到處漂泊，無正式工作。聽佢前妻講佢無連續返過多於2個月工，每年10月返香港避寒，3月過清明返外國做野，返黎得閒就tum阿媽課金，去東南亞旅行。總之佢就係一個極度懶惰，又中意攞著數既人。最經典例子，佢細佬在外國同佢同住，每個月收人3000 HKD伙食費，就俾罐頭俾人食，等到人地個老婆去外國探老公，知道自己老公俾人搵笨，嫐到即刻搬出！廢柴爸老婆都覺得佢靠五住，同佢離婚，所以宜家一個男人帶兩個仔在港攞兩地補助，該國每月小童補助4000 HKD，兩個小朋友8000 HKD。6年前借錢消失之後宜家再度出現，開口埋口都話自己窮，住公屋，兩個仔每日自己起屋企無人照顧。

我阿叔就好似一個狐狸精甘，不斷賣慘，謀我阿爸d錢，我同阿媽基本無力招架！每次出現都係要錢，少就幾萬，多就幾十萬，一系就係俾個仔黎我屋企住（佢個仔曾經黎我屋企住2年）我覺得真係好委屈好嫐，五知點算。由佢一個月前出現開始，我老豆就開始搵理由俾錢佢細佬，過黎整燈又比一兩千，換門鎖又幾千蚊，因為佢細佬成日有意無意賣慘，又五返工，我屋企又唔系有錢，全部都係辛苦錢，我阿爸阿媽生活都好樸素，慢慢積落d錢，我好心痛！我大學都自己俾學費，因為想父母退休前可以多個錢旁身，又補習做暑期工，我五明我地一家甘辛苦點解要益外人，我阿媽為屋企奉獻甘多，有錢都應該比我阿媽，五應該比個懶懶行既人！我唔可以由得佢地吞曬我屋企d家底，但係我真係無能為力。佢一個賣慘，一個親戚道德綁架，我阿爸就乖乖投降，佢最叻就係講「佢系我細佬，佢好慘帶住兩個仔」，「我應承阿媽要好好照顧佢」，甚至每次我同我媽服侍佢細佬同個侄五夠熱情，佢都會即刻大聲喝我地，話我地「無人性，睇清楚我地」，我應該要點啊？